Tilahun Endashaw

ኢሶዴፓ ም/ሊመንበር አቶ ጥላሁን እንደሻው ህልፈት የሃዘን መግለጫ

ቀደም ሲል በኢትዮጵያ ዜና አገልግሎት የረዥም ጊዜ አገልግሎት የሰጡና ከ1984 ዓ.ም ጀምሮ እስከ 1987 ዓ.ም ድረስ በኢ.ፌ.ዴሪ የሽግግር መንግሥት የፓርላማ አባል የነበሩ፣ ከዚያም ቦኋላ እስከ ዕለተ ሞታቸው በኢትዮጵያ ሶሻል ዴሞክራቲክ ፓርቲ ም/ሊመንበር ሆነው ያገለገሉ፣ እንዲሁም የመድረክ የሥራ አስፈጻሚ አባል የነበሩ፣ አቶ ጥላሁን እንደሻው ባደረባቸው ህመም ምክንያት በህክምና ሲረዱ ቆይተው በተወለዱ በ61 ዓመታቸው ጥር 6 ቀን 2012 ዓ.ም ከዚህ ዓለም በሞት ተለይተዋል ፡፡


የቀብራቸውም ሥነ ስርዓት በትውልድ ቦታቸው ቡርጂ ሶያማ ከተማ ጥር 7 ቀን 2012 ዓ.ም ከሰዓት በኋላ ተፈጽሟል ፡፡


የኢትዮጵያ ሶሻል ዴሞክራቲክ ፓርቲ በአቶ ጥላሁን እንደሻው ከዚህ ዓለም በሞት መለየት የተሰማውን ጥልቅ ሃዘን እየገለፀ ለቤተሰቡ ፣ ለወዳጆቹና ለትግል አጋሮቹ መፅናናትን ይመኛል !!!

Posted in Announcement, News, Press Releases.